տարի սիրով ու ոգևորությամբ համալրում են աշխարհում ամենազանգվածային «Կենգուրու» կոչվող մանկական շարժման շարքերը:
Դպրոցների սիրելի կազմակերպիչնե'ր, մինչև մարտի 15-ը մեր կայքում կհրապարակվի տարածքային կենտրոնների ցանկը: Ցանկում նշված կլինի այն վայրը, որտեղից յուրաքանչյուր դպրոց մրցույթի օրը կարող է ստանալ իր մրցութային փաթեթը` խնդիրներով, պատասխանի թերթիկներով, իր դպրոցի մասնակիցների ցանկով ու հուշանվերներով, և որտեղ մրցույթի ավարտից հետո, նույն օրը պետք է հանձնել պատասխանի թերթիկներով փաթեթը: Հետևեք մեր կայքին:
Սիրելի երեխանե'ր, կհանդիպենք մարտի 18-ին: Իսկ առայժմ` ծանոթացեք նախորդ երկու տարիների խնդիրներին (տե'ս Խնդիրներ բաժինը) և փորձեք լուծել դրանք` հետևելով ժամանակին: Չէ՞ որ մրցույթի օրը դուք ունենալու եք 75 րոպե: Ապա համեմատեք լուծումների ձեր տարբերակները ճիշտ պատասխանների հետ: Ծանոթացեք նաև այս տարվա պատասխանների թերթիկին:
«Կենգուրու 2010»-ի հաճելի նորույթներից է և այն, որ մրցույթի խնդիրները (միայն խնդիրները) լինելու են երկլեզու` հայերեն և ռուսերեն: Մրցույթի օրը դուք հնարավորություն կունենաք ընտրել խնդիրները կարդալու և հասկանալու ձեզ հարմար լեզուն:
Եվ վերջում` մի քանի խորհուրդ «Կենգուրուի» կողմից.
• Մրցույթի օրը ուշադիր լսեք կանոնները:
• Ազնիվ եղեք և մի արտագրեք:
• Հետևեք ժամանակին. երկար մի մտածեք նույն խնդրի վրա:
• Եվ ամենակարևորը` մի հուզվեք. չէ՞ որ այդ պահին ձեզ հետ միասին նույն խնդիրներն են լուծելու մոտ 6 միլիոն երեխաներ աշխարհի տարբեր ծայրերում:
