Homepage E-mail Contacts
«Կենգուրու 2015»-ի արդյունքները հայտնի են: Մրցանակաբաշխությունները` Հայաստանում և Արցախում` մայիսի 25-ից հունիսի 3-ը:


«Կենգուրուի» մասին

Խնդիրներ

Երեխաներին+ծնողներին

Դպրոցներին

Հովանավորներին

Հղումներ և
ռեսուրսներ

Ֆորում



«Կենգուրու 2015»-ի արդյունքները հայտնի են:

Մեծ ուրախությամբ հայտնում ենք, որ այս տարի «Կենգուրուն» Հայաստանում ունի 4 հաղթող`


ԷՐԻԿ ՄԵԼԻՔՅԱՆ
Լոռու մարզ
Վանաձորի Պ. Տիչինայի անվան թիվ 20 միջնակարգ դպրոց
5-րդ դասարան

ԱՐՏԱՇԵՍ ԳՅՈԼԵՑՅԱՆ
ք. Երևան
«Ուսում» հանրակրթական դպրոց
6-րդ դասարան

ՍԵՐՅՈԺԱ ԴԱՆԻԵԼՅԱՆ
Շիրակի մարզ
Գյումրու «Պրոգրես» համալսարանի հենակետային դպրոց
6-րդ դասարան

ՍԵՐԳԵՅ ՆԵՐՍԻՍՅԱՆ
ք. Երևան
ԵՊՀ-ին առընթեր Ա. Շահինյանի անվան
ֆիզիկամաթեմատիկական հատուկ դպրոց
10-րդ դասարան


Շնորհավորում ենք բոլոր չորս աշակերտներին փայլուն հաղթանակի և բացառիկ ձեռքբերման համար:

Շնորհավորում ենք նաև «Կենգուրու 2015»-ի բոլոր մասնակից 44 981 աշակերտներին, ում արդյունքները գոհացնող և ոգևորիչ են: Մեծ ուրախությամբ հայտնում ենք, որ այս տարի ունենք 3-12-րդ դասարանների 1389 մրցանակակիր աշակերտ, որոնցից 461-ը գրանցել են լավագույն արդյունք և արժանացել պատվոգրի: Նշենք, որ մասնակից 1068 դպրոցներից ոչ մեկ չի մնացել առանց գոնե մեկ մրցանակակրի:

Շնորհավորում ու շնորհակալություն ենք հայտնում նաև բոլոր մասնակից դպրոցներին՝ այս մեծ իրադարձության հաջող կազմակերպման ու անցկացման համար: Ուրախ ենք և ոգևորված, որ անցյալ տարիներին մասնակցած դպրոցներն ու աշակերտներն այս տարի ևս «Կենգուրուի» հետ էին: Սիրով ողջունում ենք նաև մեզ միացած նոր դպրոցներին ու աշակերտներին:

Մասնակիցների արդյունքների վերաբերյալ ամփոփ հաշվետվությունները մայիսի 15-ից ուղարկվել են բոլոր դպրոցներին: Հաշվետվություններում նշված է նաև մրցանակաբաշխության ժամանակացույցը: Ուրախությամբ հայտնում ենք, որ այս տարի մրցանակաբաշխության արարողություններ տեղի են ունենալու մայիսի 25-ից հունիսի 3-ը ներառյալ ողջ Հայաստանի 30 քաղաքներում և Արցախի մայրաքաղաք Ստեփանակերտում: Խնդրում ենք բոլոր դպրոցներին վաղօրոք ծանոթանալ ժամանակացույցին և տեղեկանալ, թե երբ և որտեղ են մասնակցելու մրցանակաբաշխության միջոցառմանը: Հիշեցնենք, որ մրցանակաբաշխությանը մասնակցում են միայն մրցանակակիր երեխաները:

Ուշադրություն.
Այն դպրոցները, որոնց չի հասել իրենց աշակերտների արդյունքների վերաբերյալ հաշվետվությունները, խնդրում ենք դիմել «Այբ»-ի գրասենյակ՝ այն էլեկտրոնային կամ սովորական փոստով նորից ուղարկելու համար:

Սիրով հրապարակում ենք այս տարվա մրցանակակիրների անունները:


«Կենգուրու 2015»-ի խնդիրներն ու ճիշտ պատասխանները կարող եք գտնել այստեղ:


Կրկին հիշեցնենք, որ բոլոր մասնակից դպրոցներն ու աշակերտները կստանան մասնակցության հավաստագրեր, լավագույն արդյունք ցույց տված երեխաները կարժանանան պատվոգրերի ու խրախուսական մրցանակների, իսկ հաղթողներին սպասում են գլխավոր մրցանակներ՝ արժեքավոր նվերներից մինչև ամառային ճամբարի ուղեգիր դեպի Եվրոպա:

Ստորև բերում ենք «Կենգուրու 2015»-ի բոլոր 1068 մասնակից դպրոցների ցանկը՝ ըստ մարզերի:

Ուրախալի լուր. վաճառքում են «Կենգուրուի» խնդրագրքերը, 2008-2009 թթ., 2010 թ., 2011 թ., 2012 թ. և 2013 թ. ավելի քան 800 խնդիրներն՝ իրենց լուծումներով: Դրանք կարող են ծառայել որպես օժանդակ նյութ՝ արտադասարանային պարապմունքներ անցկացնելու, մաթեմատիկայի օլիմպիադաներին, «Կենգուրու» մրցույթին նախապատրաստվելու համար:

«Կենգուրուի» խնդրագրքերը կարելի է ձեռք բերել Երևանի և Հայաստանի այլ քաղաքների գրախանութներից: Ուզում ենք հատուկ նշել, որ բոլոր հինգ խնդրագրքերում ներառված հինգ տարիների (2008-2013 թթ.) խնդիրներն էլ հավասարապես օգտակար են «Կենգուրու» մրցույթին պատրաստվելու համար:


«Կենգուրուի» կազմակերպմանն ու անցկացմանն առնչվող նյութերը կարող եք տեսնել` այցելելով Հղումներ և ռեսուրսներ բաժին:


Մրցույթի և խնդիրների հետ կապված հարցերն ու առաջարկները գրեք մեր kangaroo@@@ayb.am էլ. հասցեին (ուղարկելիս` @@@-ի փոխարեն գրեք միայն մեկ @) և մենք սիրով կպատասխանենք բոլոր հարցերին և կդիտարկենք առաջարկները:


Սպասում ենք ձեզ նաև «Այբ» կրթական հիմնադրամի Facebook-ի էջում, որտեղ բոլորս կարող ենք ազատ շփվել, կիսել կարծիքներ, քննարկել նախորդ տարիների խնդիրները, պարզաբանել «Կենգուրու 2015»-ի հետ կապված կազմակերպչական հարցեր:



Սիրով՝ Կենգուրու