|
Երեխաներին+ծնողներին
Ինչպես մասնակցել
Մրցույթն անցկացվում է անմիջապես դպրոցում: «Կենգուրու» միջազգային մաթեմատիկական
խաղ-մրցույթը, ինչպես ամեն տարի, 2011թ.-ին ևս կանցկացվի մարտ ամսի երրորդ հինգշաբթի օրը: Հայաստանի բոլոր դպրոցները նախօրոք կտեղեկացվեն մրցույթի մասին:
Հարգելի ծնողներ և աշակերտներ, նախևառաջ ճշտեք` արդյոք Ձեր դպրոցը մասնակցում է «Կենգուրուին», թե` ոչ: Եթե մասնակցում է, ապա
վերցրեք դպրոցի կողմից նշանակված պատասխանատուից վճարման
վավերապայմանների թերթիկը, կատարեք մասնակցության վճարը, որ կազմում է
970 ՀՀ դրամ, «ՎՏԲ-Հայաստան բանկ»-ի ցանկացած մասնաճյուղում,
ներկայացրեք վճարման անդորրագիրը դպրոցում մրցույթի պատասխանատուին և
գրանցվեք ցանկում: Հիշեցնենք, որ «Կենգուրուն» կազմակերպվում է ամեն տարի, այն շարունակական է, և բոլոր այն դպրոցներն ու աշակերտները, որ տարբեր պատճառներով չեն մասնակցել «Կենգուրու 2010»-ին, հետագա տարիներին հնարավորություն ունեն մասնակցել մաթեմատիկական այս ամենազանգվածային մրցույթին:
Էջի սկիզբ
Կանոններ
• Մրցույթից առաջ մասնակիցներին բացատրվում
են մրցույթի կանոնները:
• Մրցույթը տևում է ուղիղ 75 րոպե` սկսած խնդիրները բաժանելու պահից:
• Խնդիրները բաժանվում են միայն պատասխանների թերթիկներում երեխայի կողմից տվյալները լրացնելուց հետո:
• Չի թույլատրվում օգտագործել հաշվիչ և հեռախոս:
• Մրցույթի օրը բոլոր մասնակիցներին տրվում
են հուշանվերներ:
• Խնդիրները լինելու են փակ (կնքված) ծրարում, որը պետք է բացվի բոլոր մասնակիցների ներկայությամբ
անմիջապես մրցույթը սկսելուց առաջ:
• Սեղանին լինում են միայն խնդիրների թերթիկը, պատասխանների լրացման թերթիկը, գրիչ և ցանկության դեպքում` մաքուր թուղթ սևագրի համար:
• Պատասխանների լրացման թերթիկի վրա չպետք է լինեն ջնջումներ:
• Յուրաքանչյուր խնդրի հինգ հնարավոր պատասխանի տարբերակներից ճիշտ է միայն մեկը:
• Չլուծված խնդրի համար միավորներ չեն գումարվում և չեն հանվում:
• Մասնակիցն ունի սխալի ուղղման 3 հնարավորություն. օգտվել պատասխանների թերթիկի համապատասխան դաշտից:
• Մրցույթին մասնակցող 3-4-րդ դասարանցիները կարող են վաստակել առավելագույնը 96, իսկ մյուսները` 120 միավոր:
• Մրցույթի ավարտին խնդիրների թերթիկը մնում է մասնակցի մոտ:
• Պատասխանների լրացված թերթիկները մրցույթի ավարտին անմիջապես հանձնվում են պատասխանատուին և դրվում համապատասխան ծրարի մեջ, փակվում ու կնքվում:
• Հիմնադրամն իրավունք ունի անհրաժեշտության դեպքում
լրացուցիչ մրցույթ անցկացնել հաղթողների միջև:
• Կեղծիքների կամ խախտումների դեպքում կարող է որակազրկվել ինչպես աշակերտը, այնպես էլ դպրոցը:
• Գլխավոր պահանջը. մրցույթի մասնակիցները հատկացված 75 րոպեների ընթացքում պետք է ինքնուրույն լուծեն խնդիրները:
• Կանոնների ամբողջական ցանկը կարող եք գտնել
այստեղ:
Էջի սկիզբ
Մասնակցության վճար
Հարգելի ծնողներ, տնօրեններ, ուսուցիչներ
և մասնակիցներ,
«Կենգուրու» միջազգային մաթեմատիկական մրցույթն ամբողջ աշխարհում վճարովի է: Սա «Կենգուրու առանց սահմանների»
միջազգային ասոցիացիայի հիմնական պահանջներից մեկն է, և մասնակից յուրաքանչյուր երկիր ինքն է որոշում գումարի չափը: Հայաստանում ամեն երեխայի մասնակցության վճարը կազմում է 970 ՀՀ դրամ: Այս գումարը դիտվում է որպես երեխայի կողմից ներդրում իր երկրում այս հետաքրքիր մրցույթի անցկացման գործում: Չնայած մրցույթի անցկացումը հնարավոր է դառնում մասնակցության վճարների շնորհիվ, բայցևայնպես, այդ գումարները չեն փակում բոլոր ծախսերը:
Հավաքված գումարները բացառապես ծախսվում են մրցույթի կազմակերպման և իրականացման համար: Այդ գումարներով բոլոր մասնակիցներին հուշանվերներ և հավաստագրեր են տրվում, լավագույններին` պատվոգրեր ու մրցանակներ են շնորհվում: Համակարգողների, դիտորդների, նյութերի տպագրության, փոստային ծախսերը նույնպես իրականացվում են այդ վճարումների միջոցով: Եվ, վերջապես, այդ գումարներից են օգտվելու մրցույթի հաղթողները, ովքեր կստանան
գլխավոր մրցանակ: Գլխավոր մրցանակը
իրենից ներկայացնում է արժեքավոր
նվեր կամ «Կենգուրու առանց սահմանների» («Kangourou Sans
Frontieres») միջազգային ասոցիացիայի անդամ որևէ եվրոպական երկրում
կազմակերպվող ամառային ճամբարի ուղեգիր: Ուղեգիրը ներառում է
ճամբարում մնալու բոլոր ծախսերը, ճանապարհածախսը,
ապահովագրությունը և ելքի արտոնագիրը (վիզան): Ամառային ճամբարի
ուղեգիրը որպես գլխավոր մրցանակ սահմանելը որոշում է «Այբ» կրթական
հիմնադրամը` կախված տվյալ տարվա հաղթողների թվից, ամառային
ճամբարների
առաջարկից և տվյալ տարում Հայաստանին հատկացված տեղերի քանակից:
Ամառային ճամբարների ուղեգրեր կարող են տրվել միայն տվյալ տարվա
հունիսի
1-ի
դրությամբ 12 տարեկանը լրացած հաղթողներին,
ովքեր բավարար չափով տիրապետում են անգլերենին:
Եթե երեխան չի մասնակցել մրցույթին (չկա դպրոցի վերջնական ցանկում կամ չկա պատասխանների թերթիկը), ապա նա կարող է հետ պահանջել մասնակցության վճարը` դիմում ներկայացնելով «Այբ» կրթական հիմնադրամ մինչև 2011 թ. ապրիլի 15-ը ներառյալ:
Գումարները կվերադարձվեն բացառապես երեխայի ծնողին` վերջինիս
դիմումի հիման վրա: Նշված ժամկետից հետո գումարներ չեն վերադարձվում:
Էջի սկիզբ
Թեստերի ստուգում
Թեստերի ստուգումը կատարվում
է FlexiCapture ծրագրով, որը սիրով մեզ է տրամադրել ոլորտի համաշխարհային առաջատար ABBYY Software House ընկերությունը: Բոլոր աշխատանքները մշակվում են scanner-ի միջոցով և մուտքագրվում են համակարգիչ: Արտագրումներն ու խախտումները հայտնաբերելու նպատակով բոլոր աշխատանքները համադրվում են` նույնանման ու համընկնող աշխատանքները բացահայտելու համար: Բոլոր աշխատանքները պահվելու են «Այբ» գրասենյակում մինչև 2011 թ. հունիսի 30-ը: Մինչև այդ պահը ընդունվում են բողոքարկման հայտեր: Բողոքարկում կարող է իրականացնել միայն դպրոցը այն դեպքերում, եթե մասնակցի անունը չկա հաշվետվությունում, կամ եթե կասկածի տակ է դրվում ստուգման ճշտությունը: Խնդիրների բովանդակության և/կամ պատասխանների տարբերակների ճիշտ կամ սխալ լինելու վերաբերյալ բողոքներ չեն ընդունվում, քանզի խնդիրները և դրանց պատասխանների տարբերակները մշակվում և ընդունվում են «Կենգուրու առանց սահմանների» միջազգային ասոցիացիայի տարեկան գագաթնաժողովի ժամանակ, կիրառվում են ողջ աշխարհում և վեր են «Այբ» կրթական հիմնադրամի իրավասություններից:
Մրցանակներ տրվում են լավագույն արդյունքներ ցուցաբերած մասնակիցներին: Լավագույն արդյունք է համարվում` 3-4-րդ դասարանցիների համար 64-90 միավորը հնարավոր 96-ից, 5-11-րդ դասարանցիների համար` 80-114 միավորը հնարավոր 120-ից:
Մրցույթի հաղթողներ են ճանաչվում 91-96 միավոր հավաքած 3-4-րդ դասարանցիները, կամ 115-120 միավոր հավաքած 5-11-րդ դասարանցիները:
Մրցանակներ, պատվոգրեր
Մրցույթի սկզբունքն է`
«նվեր
բոլորին».
բոլոր
մասնակիցներն
ստանում են մասնակցության հավաստագրեր և փոքրիկ հուշանվերներ,
լավագույն արդյունքներ ցույց տված երեխաներն արժանանում են
նաև պատվոգրերի և մրցանակների:
Իսկ մրցույթի հաղթողները
ստանում են գլխավոր մրցանակ,
որն իրենից ներկայացնում է արժեքավոր նվեր կամ «Կենգուրու
առանց սահմանների»
(«Kangourou
Sans Frontieres»)
միջազգային ասոցիացիայի անդամ որևէ եվրոպական երկրում կազմակերպվող
ամառային ճամբարի ուղեգիր:
Ուղեգիրը ներառում է ճամբարում մնալու բոլոր ծախսերը,
ճանապարհածախսը,
ապահովագրությունը և ելքի արտոնագիրը
(վիզան):
Ամառային ճամբարի ուղեգիրը որպես գլխավոր մրցանակ սահմանելը
որոշում է
«Այբ»
կրթական հիմնադրամը`
կախված տվյալ տարվա հաղթողների թվից,
ամառային ճամբարների առաջարկից և տվյալ տարում Հայաստանին
հատկացված տեղերի քանակից:
Ամառային ճամբարների ուղեգրեր կարող են տրվել միայն տվյալ տարվա
հունիսի
1-ի
դրությամբ 12 տարեկանը լրացած հաղթողներին,
ովքեր բավարար չափով տիրապետում են անգլերենին:
Հավաստագրեր են տրվում նաև մասնակից բոլոր դպրոցներին:
Ճամբար Եվրոպայում
Ամառային ճամբարի ուղեգիրը որպես գլխավոր մրցանակ տրամադրելու դեպքում,
2011
թ.-ի
հունիսի 1-ի դրությամբ 12
տարին լրացած և անգլերենի տարրական գիտելիքներ ունեցող հաղթողները
կմասնակցեն
միջազգային ամառային ճամբարների,
որոնք կազմակերպվում են
«Kangourou Sans Frontieres»
ասոցիացիայի անդամ եվրոպական երկրներից որևէ մեկում
(հիմնականում
Ֆրանսիայում,
Ռումինիայում,
Բուլղարիայում,
Գերմանիայում կամ Լեհաստանում):
Կազմակերպիչները հոգում են երեխաների ճամբարի մասնակցության,
կեցության ու սննդի հետ կապված բոլոր ծախսերը,
ինքնաթիռի տոմսի,
ելքի արտոնագրի (վիզայի)
ու ապահովագրության վճարները:
12
տարեկանից ցածր հաղթողներն ստանում են արշեքավոր
մրցանակ:
Մասնակից դպրոցներ
Ստորև բերում ենք «Կենգուրու 2011»-ի բոլոր 925 մասնակից դպրոցների ցանկը՝ ըստ մարզերի:
|
