Homepage E-mail Contacts
«Կենգուրու 2016»-ի արդյունքները հայտնի են:

«Կենգուրուի» մասին

Խնդիրներ

Երեխաներին+ծնողներին

Դպրոցներին
Ինչպես մասնակցել
ՀՀ ԿԳՆ
Նամակ տնօրենին
Ժամանակացույց
Կանոններ
Մասնակցության վճար
Արդյունքների ամփոփում Մրցանակներ, պատվոգրեր Ճամբար Եվրոպայում
Մարզային համակարգողներ
Մասնակից դպրոցներ

Հովանավորներին

Հղումներ և
ռեսուրսներ

Ֆորում

 

Դպրոցներին

Ինչպես մասնակցել

2016 թ.-ի «Կենգուրու» միջազգային մաթեմատիկական մրցույթին միանալու համար Հայաստանի բոլոր դպրոցները կարող են տեղեկություն ստանալ «Այբ» կրթական հիմնադրամից: Հիշեցնենք, որ «Կենգուրուն» շարունակական է և կազմակերպվում է ամեն տարի, ուստի բոլոր այն դպրոցներն ու աշակերտները, որ տարբեր պատճառներով չեն մասնակցել «Կենգուրու 2015»-ին, հետագա տարիներին հնարավորություն ունեն միանալու մաթեմատիկական այս ամենազանգվածային մրցույթին:

Հարցերի և առաջարկությունների դեպքում գրեք մեզ kangaroo@@@ayb.am էլ. հասցեով (ուղարկելիս @@@-ի փոխարեն գրեք միայն մեկ @): Հավելյալ տեղեկությունների համար կարող եք նաև զանգահարել «Այբ» կրթական հիմնադրամ` 54-37-07, (093) 01-08-63 հեռախոսահամարներով:

Էջի սկիզբ

ՀՀ ԿԳՆ

2008 թվականի դեկտեմբերի 26-ին ՀՀ կրթության և գիտության նախարարությունը և «Այբ» կրթական հիմնադրամը ստորագրեցին համագործակցության հուշագիր` «Կենգուրու» միջազգային մաթեմատիկական մրցույթը Հայաստանում կազմակերպելու նպատակով: Այս իրադարձության մասին հայկական հեռուստաալիքներով դեկտեմբերի 26-ին տրված լուրերից հատվածներ կարող եք դիտել` այցելելով հետևյալ կայքէջերը`

http://www.youtube.com/watch?v=1hgIGrn7778
http://www.youtube.com/watch?v=1SqAR6c5aW8
http://www.youtube.com/watch?v=tPb2FwnyRNM&feature=channel page"
http://www.youtube.com/watch?v=JtnSgbCVJV0

Էջի սկիզբ

Նամակ տնօրենին

Այստեղ դրված է 2016 թ.-ին դպրոցների տնօրեններին ուղղված նամակի օրինակը:

Էջի սկիզբ


«Կենգուրու 2016»-ի ժամանակացույց

հունվարի 19 - Դպրոցների տնօրեններին մրցույթի մասնակցության փաթեթի ուղարկում
փետրվարի 19 - Աշակերտների կողմից մասնակցության վճարը կատարելու, բանկային անդորրագրերը դպրոց ներկայացնելու և դպրոցի ցանկում գրանցվելու վերջնաժամկետ
փետրվարի 24 - Դպրոցի մասնակցության հայտը, աշակերտների ցանկը և բանկային անդորրագրերը ՙԱյբ՚ հիմնադրամ ուղարկելու վերջնաժամկետ
մարտի 17 - «Կենգուրու 2016» մաթեմատիկական մրցույթ
ապրիլ - Մրցույթի արդյունքների ամփոփում
մայիսի առաջին կես - Մրցույթի արդյունքների ամփոփ հաշվետվության ուղարկում դպրոցներին
մայիսի երկրորդ կես - Մրցանակաբաշխություն
մինչև հունիսի 30-ը - Բողոքարկման ժամանակահատված

Էջի սկիզբ

Կանոններ

Մրցույթից առաջ մասնակիցներին բացատրվում են մրցույթի կանոնները:
Մրցույթը տևում է ուղիղ 75 րոպե` սկսած խնդիրները բաժանելու պահից:
Խնդիրները բաժանվում են պատասխանների թերթիկում երեխայի կողմից տվյալների լրացումից հետո միայն:
Չի թույլատրվում օգտագործել հաշվիչ և հեռախոս:
Մրցույթի օրը բոլոր մասնակիցներին տրվում են հուշանվերներ:
Խնդիրները փակ (կնքված) ծրարում են, որը պետք է բացվի բոլոր մասնակիցների ներկայությամբ անմիջապես մրցույթը սկսելուց առաջ:
Սեղանին լինում են միայն խնդիրների թերթիկը, պատասխանների լրացման թերթիկը, գրիչ և, ցանկության դեպքում, մաքուր թուղթ՝ սևագրի համար:
Պատասխանների լրացման թերթիկի վրա չպետք է լինեն ջնջումներ:
Յուրաքանչյուր խնդրի պատասխանի հինգ հնարավոր տարբերակներից միայն մեկն է ճիշտ:
Չլուծված խնդրի համար միավորներ չեն գումարվում և չեն հանվում:
Մասնակիցն ունի սխալի ուղղման 3 հնարավորություն. օգտվել պատասխանների թերթիկի համապատասխան դաշտից:
Մրցույթին մասնակցող 3-4-րդ դասարանցիները կարող են վաստակել առավելագույնը 96, իսկ մյուսները` 120 միավոր:
Մրցույթի ավարտին խնդիրների թերթիկը մնում է մասնակցի մոտ:
Պատասխանների լրացված թերթիկները մրցույթի ավարտին անմիջապես հանձնվում են պատասխանատուին և դրվում համապատասխան ծրարի մեջ, որ փակվում ու կնքվում է:
«Այբ»-ն իրավասու է մրցույթի հաղթողների հետ անցկացնել լրացուցիչ մրցույթ (թեստավորում, հարցազրույց, հանդիպում)՝ պարզելու վերջիններիս արդյունքների իսկությունը:
Կեղծիքների կամ խախտումների դեպքում կարող է որակազրկվել ինչպես առանձին աշակերտի(ների) աշխատանքը(ները), այնպես էլ ամբողջ տարիքային խումբը կամ դպրոցը:
Գլխավոր պահանջը հետևյալն է. մրցույթի մասնակիցները հատկացված 75 րոպեների ընթացքում պետք է ինքնուրույն լուծեն խնդիրները:
Կանոնների ամբողջական ցանկը կարող եք գտնել այստեղ:

Էջի սկիզբ


Մասնակցության վճար

Հարգելի ծնողներ, տնօրեններ, ուսուցիչներ
և մասնակիցներ,

«Կենգուրու» միջազգային մաթեմատիկական մրցույթն ամբողջ աշխարհում վճարովի է: Սա «Կենգուրու առանց սահմանների» միջազգային ընկերակցությանհիմնական պահանջներից մեկն է, և մասնակից յուրաքանչյուր երկիր ինքն է որոշում գումարի չափը: Հայաստանում ամեն երեխայի մասնակցության վճարը կազմում է 970 ՀՀ դրամ: Այս գումարը դիտվում է որպես երեխայի կողմից ներդրում իր երկրում այս հետաքրքիր մրցույթի անցկացման գործում: Թեև մրցույթի անցկացումը հնարավոր է դառնում մասնակցության վճարների շնորհիվ, սակայն այդ գումարները չեն փակում բոլոր ծախսերը:

Հավաքված գումարները բացառապես ծախսվում են մրցույթի կազմակերպման և իրականացման համար: Բոլոր մասնակիցներին այդ գումարներով տրվում են հուշանվերներ և հավաստագրեր, իսկ լավագույններին` պատվոգրեր ու մրցանակներ: Նյութերի տպագրության, փոստային, ինչպես նաև մի շարք կազմակերպչական ծախսեր նույնպես իրականացվում են այդ վճարումների միջոցով: Եվ, վերջապես, այդ գումարներից են օգտվելու մրցույթի հաղթողները, ովքեր կստանան գլխավոր մրցանակ:

Եթե աշակերտը վճարել է և ինչ-ինչ պատճառներով չի մասնակցել մրցույթին (աշակերտը չկա դպրոցի վերջնական ցանկում, կամ չկա նրա պատասխանների թերթիկը), ապա նրա ծնողը կարող է հետ պահանջել մասնակցության վճարը` դիմում ներկայացնելով «Այբ» կրթական հիմնադրամ մինչև 2016 թ. ապրիլի 15-ը ներառյալ: Գումարները կվերադարձվեն բացառապես երեխայի ծնողին` վերջինիս դիմումի հիման վրա: Նշված ժամկետից հետո գումարներ չեն վերադարձվում:


Էջի սկիզբ


Արդյունքների ամփոփում

Թեստերի ստուգումը կատարվում է FlexiCapture ծրագրով, որը սիրով մեզ տրամադրել է ոլորտի համաշխարհային առաջատար ABBYY Software House ընկերությունը: Բոլոր աշխատանքները մշակվում են տեսածրիչի միջոցով և մուտքագրվում համակարգիչ: Արտագրումների ու խախտումների հայտնաբերման նպատակով բոլոր աշխատանքները համադրվում են, որի արդյունքում բացահայտվում են նույնանման ու համընկնող աշխատանքները: Բոլոր աշխատանքները պահվելու են «Այբ» գրասենյակում մինչև 2016 թ. հունիսի 30-ը: Մինչև այդ պահը ընդունվում են բողոքարկման հայտեր: Բողոքարկում կարող է իրականացնել միայն դպրոցը այն դեպքերում, եթե մասնակցի անունը չկա հաշվետվությունում, կամ եթե կասկածի տակ է դրվում ստուգման ճշտությունը: Խնդիրների բովանդակության և/կամ պատասխանների տարբերակների ճիշտ կամ սխալ լինելու վերաբերյալ բողոքներ չեն ընդունվում, քանի որ խնդիրները և դրանց պատասխանների տարբերակները մշակվում և ընդունվում են «Կենգուրու առանց սահմանների» միջազգային ընկերակցության տարեկան գագաթնաժողովի ժամանակ, կիրառվում են ողջ աշխարհում և դրանցում փոփոխություն կատարելը վեր է «Այբ» կրթական հիմնադրամի իրավասություններից:

Արդյունքներն ամփոփվում են մրցույթի ավարտից մոտ մեկուկես ամիս անց: Մայիս ամսվա սկզբին յուրաքանչյուր դպրոց ստանում է իր մասնակից աշակերտների արդյունքների հաշվետվությունը: Մայիսի երկրորդ կեսին իրականացվում են մրցանակաբաշխություններ, որոնց մասին լրացուցիչ հայտարարվում է:

Ամփոփումից հետո բոլոր մասնակիցները ստանում են հավաստագրեր, և լավագույն արդյունքներ ցուցաբերած մասնակիցներին տրվում են մրցանակներ: Լավագույն արդյունք է համարվում 3-4-րդ դասարանցիների համար 64-90 միավորը հնարավոր 96-ից, իսկ 5-12-րդ դասարանցիների համար` 80-114 միավորը հնարավոր 120-ից: Մրցույթի հաղթողներ են ճանաչվում 91-96 միավոր հավաքած 3-4-րդ դասարանցիները կամ 115-120 միավոր հավաքած 5-12-րդ դասարանցիները:


Էջի սկիզբ

Մրցանակներ, պատվոգրեր

Մրցույթի սկզբունքն է` «նվեր բոլորին». բոլոր մասնակիցները, անկախ արդյունքներից, ստանում են մասնակցության հավաստագրեր և փոքրիկ հուշանվերներ: Լավագույն արդյունք ցույց տված երեխաներն արժանանում են նաև պատվոգրերի և մրցանակների, իսկ մրցույթի հաղթողները՝ ստանում գլխավոր մրցանակ, որն արժեքավոր նվեր է կամ «Կենգուրու առանց սահմանների» միջազգային ընկերակցության անդամ որևէ եվրոպական երկրում կազմակերպվող ամառային ճամբարի ուղեգիր: Ուղեգիրը ներառում է ճամբարում մնալու բոլոր ծախսերը, ճանապարհածախսը, ապահովագրությունը և ելքի արտոնագիրը (վիզան): Ամառային ճամբարի ուղեգիրը որպես գլխավոր մրցանակ սահմանվում է «Այբ» կրթական հիմնադրամի կողմից` կախված տվյալ տարվա հաղթողների թվից, ամառային ճամբարների առաջարկից և տվյալ տարում Հայաստանին հատկացված տեղերի քանակից: Ամառային ճամբարների ուղեգրեր կարող են տրվել միայն տվյալ տարվա հունիսի 1-ի դրությամբ 12 տարին բոլորած հաղթողներին, ովքեր բավարար չափով տիրապետում են անգլերենին: Հավաստագրեր են տրվում նաև մասնակից բոլոր դպրոցներին:



Էջի սկիզբ


Ճամբար Եվրոպայում

Ամառային ճամբարի ուղեգիրը որպես գլխավոր մրցանակ տրամադրելու դեպքում, 2016 թ.-ի հունիսի 1-ի դրությամբ 12 տարին բոլորած և անգլերենի բավարար գիտելիքներ ունեցող հաղթողները կմասնակցեն միջազգային ամառային ճամբարների, որոնք կազմակերպվում են «Կենգուրու առանցսահմանների» միջազգային ընկերակցության անդամ եվրոպական երկրներից որևէ մեկում (հիմնականում Բուլղարիայում, Գերմանիայում, Լեհաստանում, Ռումինիայում, Ռուսաստանում կամ Ֆրանսիայում): Կազմակերպիչները հոգում են ճամբարում երեխաների զբաղմունքների, կեցության ու սննդի հետ կապված բոլոր ծախսերը, ինքնաթիռի տոմսի, ելքի արտոնագրի (վիզայի) ու ապահովագրության վճարները: 12 տարեկանից ցածր տարիքի հաղթողները ստանում են արժեքավոր մրցանակ:


Էջի սկիզբ

Մարզային համակարգողներ

«Կենգուրու» միջազգային մաթեմատիկական մրցույթը կազմակերպվում է մարզային համակարգողների միջոցով: Մրցույթի հետ կապված հարցերով կարող եք դիմել մարզային ձեր համակարգողին:

ՄԱՐԶ
ՀԱՄԱԿԱՐԳՈՂ
ՀԵՌԱԽՈՍ
Արագածոտն Շուշաննա Ավալյան (098) 38-08-63
Արարատ Աննա Մխիթարյան (093) 38-08-64
Արմավիր Անահիտ Ավալյան (093) 38-08-63
Արցախ Միքայել Համբարձումյան (097) 33-79-55
Գեղարքունիք Աննա Մխիթարյան (093) 38-08-64
Երևան Շուշաննա Ավալյան (098) 38-08-63
Լոռի Անահիտ Ավալյան (093) 38-08-63
Կոտայք Աննա Մխիթարյան (093) 38-08-64
Շիրակ Անահիտ Ավալյան (093) 38-08-63
Սյունիք Մարինե Սարյան (093) 01-08-61
Վայոց ձոր Մարինե Սարյան (093) 01-08-61
Տավուշ Շուշաննա Ավալյան (098) 38-08-63


Մասնակից դպրոցներ

Ստորև բերում ենք «Կենգուրու 2016»-ի բոլոր 1012 մասնակից դպրոցների ցանկը՝ ըստ մարզերի: